عن الاسهال و طرق العلاج
كتبت وفاء سليمان محمد
عن الاسهال و طرق العلاج
“عرفت إن الإسهال ممكن يعمل جفاف و يسببلي خطر كبير ممكن اعمل اي يحميني من الخطر ده لو بعاني من الإسهال ”
فيه أدوية كتير بتساعد على التخلص من الإسهال بس العلاج الل مينفعش تستغنى عنه و يقدر يحميك من خطر الجفاف هو :
أكياس أملاح معالجة الجفاف و دي بتكون عبارة عن أملاح من الصوديوم و البوتاسيوم و سترات و سكر الدكتسروز و دي دورها تمد الجسم بحتياجاته من الأملاح وتقدر تعوض الفقد اللي بيحصل خلال فترة الأسهال فتحميك من الجفاف
طب خلينا نعرف صورها في الصيدليات بتكون وجودة في صورة أكياس في الصيدلية زي”ORS”و “Rehydran N” و “Rehydro zinc “
تقدر تشتريها من غير روشتة مجرد ما تتعرض للإسهال و لازم تراجع الصيدلي عشان يرشحلك الأنسب منهم
طب أستعمالها إزاي و جرعاتها إي ؟
في الأو خليني أقولك إن كل كيس من ORS بيتدوب في ٢٠٠ مل ماية يعني أقل من كوباية كاملة بحاجة بسيطة
فا للكبار بندي في أول ٢٤ ساعة ٢ لتر يعني ١٠ أكياس متقسمة خلال اليوم و بعد كده ياخد كيس بعد كل مرة إسهال أو ترجيع ويكمل بعدها بعصاير و سوايل
أما بالنسبة للأطفال من سن سنتين بيكون من ١٠٠ ل ١٥٠ مل يعني حوالي نص كيس على نص كوباية ماية بعد كل مرة إسهال ولو أكبر من سنتين ياخد كيس كامل على ٢٠٠ مل زي ما قولنا
و ناخد بالنا لو حليت الكيس و سيبته برا التلاجة ساعة فده مبقاش صالح للإستعمال و لو حطينه بعد ما اتحل في التلاجة هيبقى متاح ل ٢٤ ساعة بس بعدها تتخلص منه
و لو مش متاح أجيب الأكياس دي أقدر استعين بحاجة غيرها ؟
تقدر تعوض بعصاير الفواكه و الشوربة خلال فترة الإسهال و بنلاقي فيهم الاملاح اللي الجسم محتاجها و اللي موجودة في أكياس معالجة الجفاف
دمتم بألف صحة وعافية
